Ինչպէս գիտէք արեւմտահայերէնը նահանջի մէջ է, եւ վտանգուած է: Անոր գործածութիւնը տարուէ տարի կը պակսի: Հայկական Դպրոց յաճախող հայ աշակերտներ լաւագոյն պարագաներուն լատինատար «հայերէն» կը գրեն համացանցին վրայ: Արեւմտահայ կազմակերպութիւններ անպայմանօրէն հայերէն բաժիններ չունին իրենց համացանցային կայքէջերուն վրայ:

Ըստ մեզի, արեւմտահայերէնը փրկելու հետեւեալ միջոցառումները պէտք է առնուին.

1. Այն հայ կազմակերպութիւնները որոնք օտար լեզուներով համացանցային ներկայութիւն են, պարտին նաեւ համահաւասար հայերէնով ներկայութիւն ունենալ:
2. Հայ ուսուցիչներ պարտին իրենց հայ աշակերտներուն հետ հայերէնով ե-նամակով (email) հաղորդակցութիւն ստեղծել:
3. Ուսուցիչներ պարտին իրենց աշակերտներուն քաջալերել Հայերէն գործածելու իրենց Facebook, Myspace, Twitter եւ այլ կայքէջերու վրայ:
4. Հայաստանեայց Եկեղեցին, պարտի իր բոլոր հաղորդակցութիւնները կղերականներու, ժողովականներու եւ ժողովուրդին միջեւ ընել նաեւ մեսրոպատառ հայերէնով:
5. Գիրքեր որոնք կը տպագրուին թուղթերու վրայ (ԺԵ դար) պարտին նաեւ մատչելի ըլլալ թուային ձեւով որպէսզի նոր սերունդի զաւակները՝ անոնք որոնք հայերէն գիրերը կը ճանչնան, կարենան կարդալ այս գիրքերը իրենց համակարգիչներուն, iphoneներուն եւ ipadներուն վրայ:
6. Իմաստալից ձեւով յիշատակենք Թարգմանչաց տօնը, կարդալով հայագրեալ Աստուածաշունչը, որուն թարգմանութեան համար յատկապէս հայերէն գիրերը կեանք առին: